Tapi, valod, Titava village : તાપી જિલ્લાના તિતવા ગામના પરિવારની અનોખી પહેલ.
લુપ્ત થતા અને લોકોને ઉપયોગી વૃક્ષોના ૩૫ લાખ બીજ એકત્ર કરી સીડ્સ બોલ બનાવ્યા.
કહેવાય છે કે માનવી માણસ થાય તો ઘણું .આ ધરતી પર મનુષ્ય માત્ર એક એવો જીવ છે જેને પોતાની સભ્ય સંસ્કૃતિ વસાવી છે, પરંતુ આજ માનવીએ પોતાનું તિતવા ગામની દરેક ગૃહિણી વૃક્ષોને ઉગાડવાના કાર્યમાં જોડાઈ છે. પોતાના ગામ કે જંગલમાં વૃક્ષ ઉગાડવા ઇચ્છતા હોય તે લોકોને સીડ્સ બોલ અપાશે.
ઘર કહેવાય એવી ધરતીનો નખ્ખોદ વાળ્યો છે. જેના કારણે ગ્લોબલ વોર્મિંગ જેવી પરિસ્થિતિ ઊભી થઈ છે. પરંતુ આ બધાનો ઈલાજ પણ મનુષ્ય પાસે જ છે. આવું વિચારીને તાપી જિલ્લાના વાલોડ તાલુકાના તીતવા ગામના એક પરિવારે પૃથ્વી અને પર્યાવરણને સાચવવાનું બીડું ઝડપ્યું છે.
છેલ્લા બે વર્ષ થી તેમનું પરિવાર અને ગામજનો એ જંગલો માંથી ૩૫ લાખ જેટલા લુપ્ત થતાં અને લોકોને ઉપયોગી એવા વૃક્ષોના બીજ એકત્રિત કરી તેને સિડ્સ બોલ બનાવીને રોપવાની શરૂઆત કરશે. હાલમાં ગ્લોબલ વોર્મિંગના કારણે ગરમીનો પારો દિન પ્રતિ દિન વધી રહ્યો છે. તેનું મુખ્ય કારણ વૃક્ષો ઓછા થતા ગયા છે અને કોંક્રિટ જંગલો વધ્યા છે.
ગ્લોબલ વોર્મિંગ ઓછું કરવા વૃક્ષો વાવવા ખુબજ જરૂરી છે. જેથી તાપી જિલ્લાના વાલોડ તાલુકાના તિતવા ગામના એન્જિનિયર યુવક ઉત્પલ ચૌધરીએ ગ્લોબલ વોર્મિંગને કઈ ઓછું કરી શકાય તે માટે ઘણા પુસ્તકો વાંચ્યા અને વૃક્ષો રોપવાની શરૂઆત કરી.
તેમણે ગુજરાત સમાચાર પત્રને જણાવ્યું હતું કે, જે રીતે વાતાવરણ હવામાન અને ઋતુઓમાં ફેરફાર થઈ રહ્યા છે તે જોતા હવે આપણે જાતે જ આનું નિરાકરણ પણ લાવવું પડશે અને એ માટે માત્ર હું જ નહીં મારું પૂરું પરિવાર મારા બાળકો અમારી પાંચ પેઢી ગામજનો આ તમામે મળીને છેલ્લા બે વર્ષથી તાપી જિલ્લાના અલગ અલગ જંગલોમાં જઈને ૩૫ લાખ કરતા વધુ બીજ એકત્ર કર્યા છે. એવું પણ નથી કે કોઈપણ વૃક્ષ ગમે ત્યાં વાવી દેવું, ,અમે એવા સીડ્સ ભેગા કર્યા કે જે વૃક્ષો લુપ્ત થઈ રહ્યા છે અને લોકોને ઉપયોગી છે.
હાલ અમે આ વૃક્ષોના સીડ્સ બોલબનાવવાની શરૂઆત કરી છે. અને તે પણ અમે વૈજ્ઞાનિક ઢબે બનાવી રહ્યા છે. આ તમામ બીજને અમે વમી કમ્પોઝ થકી તૈયાર કરી રહ્યા છે અને જે લોકો પણ આ સીડ્સ પોતાના ગામમાં કે જંગલોમાં ઉગાડવા માંગતા હોય અમે તેમને આપીશું અને સાથે અમે પણ આ કાર્ય કરીશું.
સેજલબેન ગરાસીયાએ જણાવ્યું હતું કે, એક માતા તરીકે હું મારા બાળકોને શું આપી શકું એવો વિચાર આવ્યો, ત્યારે મે વિચાર્યુ કે હું મારા બાળકોને ભણતરની સાથે સાથે સારું હું અને સ્વચ્છ વાતાવરણ આપી શકું તે ઘણું મહત્વનું છે અને તેથી જ અમે કાર્યમાં જોડાયા .ઘણા બાળકોને પણ આમાં જોડાયા છે. હું કેમિકલ એન્જિનિયર છું એટલે તેના સાઈડ ઇફેક્ટથી સારી રીતે પરિચિત છું. અને એટલે જ હાલ વૃક્ષો વાવવા ખૂબ જ જરૂરી છે. તિતવા ગામની દરેક ગૃહિણી હાલ વૃક્ષોને ઉગાડવાનાં કાર્યમાં જોડાઈ છે.
લુપ્ત થઈ રહેલા અને લોકોને ઉપયોગી હોય તેવા આ વૃક્ષોના બીજ એકત્ર કર્યા છે, જે રોપવા માટે અપાશે.
આ વૃક્ષોમાં ટેટુ,ચામોલી,પાદલ,પાટલો, પાટલો, વારી, મહેસાણા, દટાખ, દાદુરો, પતરાડી, નાની ચામોલી,ભિલામ, ચારોળી,રંગત રોયડો, શિકારી, કોટાળો, કડાયો,ખારસિંધી, મેઢ સિંધી, મટર સિંધી, કુંભીયો, બોધી, પંગારો, હીનો, મોખો, સિસમ,સાગ, ખેર, દંડક માંજો, જંગલી ભીડી, વરસ, રોષણ, ગોલદા, પાટો ઉભાંડો, આ સિવાય અન્ય ઘણી પ્રજાતિઓનો સમાવેશ થાય છે.
બે વર્ષમાં એકત્ર કરેલા બીજને વૈજ્ઞાનિક ઢબે વર્મી કમ્પોઝ થકી બનાવેલા સીડ્સ બોલ ચોમાસામાં અલગ અલગ જગ્યાએ રોપવામાં આવશે.
Post credit : Gujarat Samachar news
إرسال تعليق